Një 91-vjeçare është gjetur pa shenja jete pasditën e sotme në një banesë në rrugën “Halil Ademaj” në Prishtinë.
Lajmin për Dukagjinin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ahmeti ka thënë se policia në koordinim me prokurorinë kanë nisur hetimet.
“Menjëherë policia në koordinim me prokurorinë, ka filluar të ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e vdekjes së personit (femër) 91-vjeçare”, ka thënë tutje ajo.