Analisti, Imer Mushkolaj, në “Debat Plus” në RTV Dukagjini, ka thënë se nuk do të duhej të vinte puna që policia të protestonte të shtunën.
“Një qeveri e përgjegjshme, e kujdesshme, nuk e kishte lejuar që policia të dalë në protestë. Nuk po them se ato kërkesa janë ultimative, por mendoj se duhej të ketë ndjeshmëri prej Qeverisë, duhet të ketë më shumë një qasje më proaktive”, ka thënë Mushkolaj.
Mushkolaj ka thënë se duhet të gjendet një zgjidhje me policinë, sepse, sipas tij, qasja e ngurtë e Qeverisë nuk është zgjidhje e mirë për ta adresuar problemin.
“Besoj që Qeveria duhet të gjejë zgjidhje, për mua është shumë problematike qasja jo vetëm ndaj policisë, por në përgjithësi kur kemi të bëjmë me reagime, kundërshtime, protesta, greva e të tjerë”, ka thënë ai.