Sindikata e Korporatës Energjetike të Kosovës ka protestuar sërish para zyrave të KEK-ut.
Sipas sindikatës, kjo protestë vjen pas dështimit të marrëveshjes mbi ngritjen e pagave për punëtorët.
Sindikata e KEK-ut vlerëson se ngritja e pagave është e domosdoshme për mirëqenien dhe drejtësinë e punëtorëve, dhe paralajmëron hapa të tjerë sindikalë, nëse nuk ka përmirësime konkrete në këtë drejtim, raporton EO.
Një arsye tjetër e protestimit nga Sindikata e Korporatës Energjetike të Kosovës është edhe rikthimi i punëtorëve të sigurimit fizik në kuadër të kompanisë KEK.