Ndonëse çmimi i miellit ka rënë, furrtari, Nusret Çollaku ka thënë se rritja e çmimit të bukës varet nga shumë faktorë, duke filluar nga rritja e çmimit të drunjve, të rrymës dhe problematikave të tjera.
“Çmimi i bukës në rajonin e Ferizajt është 50 centë, rënie të çmimit të miellit ka pasur, por jo shumë, kështu që ende kemi vazhduar me këtë çmim, pasi ka edhe shumë faktorë të tjerë që ndikojnë në rritjen e çmimit të bukës, si drunjtë, rryma etj”, ka thënë Çollaku.
Në emisionin më të ri “Rreth e Rrotull” në RTV Dukagjini, Çollaku ka thënë se edhe nëse shitet më lirë buka në vende të tjera, atëherë ka gramë më pak ajo bukë që shitet.
“Në 50 centë, nën 500 gramë nuk lejohet të shitet. Në vende të tjera, nëse shitet më lirë, edhe gramë ka më pak. Në furrë tonë e bëjmë 600 gr brumë që të ketë sigurt mbi 500 gr kur të pjeket buka”, ka vijuar ai.