Tetë gola u shënuan gjithsej të mërkurën mbrëma në “Parkun e Princave”, ku Paris Saint-Germaini triumfoi 5:3 ndaj Tottenham Hotspur në xhiron e pestë të fazës së grupeve të Ligës së Kampionëve.
Tottenhami kaloi dy herë në epërsi me golat e Richarlisonit dhe Randal Kolo Muanit, i cili realizoi edhe golin e tretë për mysafirët. Megjithatë, PSG-ja reagoi fuqishëm dhe shënoi pesë gola për të siguruar fitoren.
Vitinha shënoi “hat-trick”, ndërsa Fabian Ruiz dhe Wilian Pacho shtuan nga një gol për kampionët në fuqi të Evropës.
Ndeshja nuk kaloi pa polemika, pasi Lucas Hernandez u përjashtua nga PSG-ja me karton të kuq për goditje me bërryl.
Pas këtij rezultati, PSG-ja renditet e dyta në grup me 12 pikë, ndërsa Tottenhami mbetet me tetë.