Prokuroria e Shtetit, gjatë ditëve të fundit ka qenë cak i kritikave të ashpra të partisë në pushtet, LVV-së, dhe akterëve të saj. Pas, ministres së MINT-it, Rozeta Hajdarit, ministrit të Bujqësisë, Faton Pecit, një videomesazh me kritika ndaj Prokurorisë ka bërë edhe ministrja e Drejtësisë, Albulena Haxhiu.
Përmes një video në Facebook, e para e Drejtësisë ka thënë se auditori i brendshëm i Ministrisë së Drejtësisë ka gjetur keqpërdorim në dhënien e një prone në Komunën e Vushtrrisë të një person fizik. Sipas saj, kjo pronë i takon ministrisë që udhëheqë, por që i është dhënë për 10 vite në shfrytëzim një personi fizik nga ish-ministri i Drejtësisë dhe ish-drejtori i burgjeve.
“Sapo e kuptuam nga auditori i ministrisë së Drejtësisë që ta auditoj procesin se si është dhënë prona publike në shfrytëzim te një person fizik, nga të gjeturat e auditorit kemi gjetur se kontrata është lidhur pa asnjë bazë kushtetuese dhe ligjore mes personit fizik dhe ish-zyrtarëve”, ka thënë Haxhiu.
Gjithashtu, përfund ajo ka shtuar një pyetje se “Për çfarë dhe për kë po punon Prokuroria Speciale?”