Profesori Qazim Berisha është ndër shkrimtarët e parë i cili nisi shkrimet për dëshmorët dhe kombin.
Detajet sa i përket shkrimeve të tij, dëshmive dhe jetës ndër vite ai i solli në emisionin Rreth e Rrotull në RTV Dukagjini.
Prej 1981-1991, Berisha i filloi këto shkrime edhe pse ishin kohërat më të vështira, libri i parë që botoi titullohej “Lot Gjaku” në të cilin ka shkruar për 105 nxënës e studentë të rënë dëshmorë, madje në mesin e tyre edhe fëmijë.
Përkundër të gjitha vështirësive të asaj kohe, dëshira e tij më e madhe ishte botimi i librave, leximi i tyre nga bota, pa u kapur nga policia serbe.
Gjithmonë me një fletore dhe një laps, pa iu trembur syri asnjëherë, Berisha ishte i pranishëm edhe në varrimet e të gjithë këtyre dëshmorëve, arsyeja e vetme ishte grumbullimi i dëshmive dhe kthimi i tyre në vargje.
Libri i parë rezultoi të kishte mjaft sukses, brenda 3 ditësh libri u shpërnda në 1000 kopje.
Qazim Berisha shkruajti rreth 18 libra dedikuar dëshmorëve dhe kombit, ku secili prej tyre është më i sukseshëm se tjetri.