Me të dhënë dorëheqje ministrat e Listës Serbe, nga Qeveria e Kosovës, Albin Kurti si shef qeverie kishte zgjedhur njerëz të tjerë për t’i emëruar në pozitat që tashmë ishin të lira.
Ministrin që e udhëheqte Goran Rakiq e mori Nenad Rashiq, kurse zëvendës i tij u bë Radoica Radomiroviq.
Mirëpo, emri i tij nuk gjendet vetëm në faqen e Qeverisë së Kosovës.
Ai gjatë kohës së luftës në Kosovë kishte shërbyer në ushtrinë e armatës serbo-jugosllave.
Madje këtë e ka konfirmuar vet Radomiroviq për gazetën Nacionale, veçse ka mohuar se kishte qenë pjesë e aksioneve.
Ai ka thënë se ka punuar si civil në administratë në Kazermë në Mitrovicë.
Ndërkohë, për këtë çështje RTV Dukagjini, ka kërr sqarime nga ana e qeverisë.
Përgjigja e tyre, lë të kuptohet se ekzekutivi ka qenë në dijeni për aktivitetin e Radomiroviqit, gjatë kohës së luftës në Kosovë.
Përparim Kryeziu, zëdhënës i Qeverisë ka thënë se “Institucionet tona kanë verifikuar të gjitha të dhënat duke konfirmuar që ai nuk ka qenë i përfshirë në operacione ushtarake apo të ngjashme gjatë luftës në Kosovë. Ai ka bartur pozitën e kontabilistit në administratë si staf civil”.
Mirëpo këtë emërim po e kundërshtojnë partitë opozitare.
Të papranueshëm një gjë të tillë po e cilëson deputetja e AAK-së, Time Kadrijaj.
Qeverinë Kurti, ajo e vlerëson si antikombëtare.
Derisa Lista Serbe ka kohë që është larguar nga institucionet, zyrtarët e tyre nuk shërbejnë në ekzekutivin kosovarë.
Në ndërohë, 10 deputet të kësaj partie vazhdojnë të marrin paga në Kuvendi i Kosovës, pa shkuar kurrë në punë.