Presidenti ukrainas, Volodymyr Zelenskyy, i ka dërguar ftesë për vizitë në Ukrainë, kryeministrit të Shqipërisë, Edi Rama, kryeministrit të Malit të Zi, Dritan Abazoviq dhe kryeministrit të Maqedonisë së Veriut, Dimitar Kovaçevski.
Në gazetën malazeze “Vijesti” është konfirmuar lajmi se Rama dhe Kovaçevski kanë pranuar idenë e kryeministrit Abazoviç për të shkuar të tre në Ukrainë.
Në një bisedë me Zelenskyy-in, Abazoviq ka theksuar se shteti i Malit të Zi ka ofruar mbështetje të hapur për pavarësinë dhe integritetin territorial të Ukrainës.
“Ai theksoi se vlerat evropiane të lirisë dhe e drejta për zgjedhjen e dikujt, mbrohen sot jashtë kufijve të Bashkimit Evropian, dhe se Mali i Zi mbështet plotësisht qëndrimin e Bashkimit Evropian ndaj pushtimit rus të Ukrainës”, thuhet në deklaratë.