Kryeministri i Shqipërisë, Edi Rama, ka bërë thirrje që Korpusi i Gardës Revolucionare Islamike të shpallet zyrtarisht organizatë terroriste dhe të trajtohet si i tillë në nivel ndërkombëtar.
Rama thekson se kjo strukturë duhet të përfshihet në listën e organizatave terroriste, jo vetëm përmes sanksioneve ndaj regjimit në Teheran, por duke e emërtuar qartë sipas natyrës së saj, siç kanë vepruar tashmë Shtetet e Bashkuara dhe Kanadaja, njofton dukagjini.
Kreu i qeverisë shqiptare nënvizoi se qëndrimi i Shqipërisë nuk lidhet vetëm me mbështetjen ndaj Izraelit dhe vendeve arabe që kërkojnë paqe, apo me mbështetjen ndaj SHBA-së nën udhëheqjen e Presidentit Donald Trump.
Ai përmendi gjithashtu deklaratat e fundit të Presidentes së Komisionit Evropian, Ursula von der Leyen, e cila ka theksuar natyrën vrasëse të regjimit iranian.
“Jo vetëm sepse qëndrojmë fort me Izraelin dhe me vendet vëllazërore arabe që kërkojnë paqe. Jo vetëm sepse mbështesim Shtetet e Bashkuara në mbështetjen ushtarake që po i japin sot Izraelit nën udhëheqjen e Presidentit Donald Trump. Jo vetëm sepse Bashkimi Evropian, përmes Presidentes Ursula von der Leyen, ka nënvizuar edhe një herë sot natyrën vrasëse të regjimit të Teheranit. Por mbi të gjitha, në një ditë si kjo, kur kërkohen veprime dhe jo vetëm fjalë, për të nderuar viktimat e pafundme të pafajshme të Gardës Revolucionare Islamike gjakësore”, ka shkruar Rama.
Rama theksoi se Shqipëria e ka përjetuar drejtpërdrejt agresionin e regjimit të Teheranit përmes sulmeve kibernetike, duke e konsideruar çështjen si një problem të sigurisë kombëtare dhe jo thjesht gjeopolitikë abstrakte.
Sipas tij, Shqipëria do të veprojë për ta përfshirë Gardën Revolucionare në listën e organizatave terroriste dhe u bëri thirrje vendeve të Bashkimit Evropian të ndjekin të njëjtin hap.
Mes tjerash, ai shprehu gjithashtu mbështetjen për çdo përpjekje ndërkombëtare që synon të parandalojë regjimin iranian nga sigurimi i armëve bërthamore apo kapaciteteve të tjera ushtarake që mund të kërcënojnë Izraelin dhe vendet e tjera të rajonit.
It’s high time to cut the rope and go straight to the point.
The Islamic Revolutionary Guard Corps is a terrorist organization and it must be treated as such. Not only through sanctions against the Khomeinist Republic, but by officially calling it by its true name and listing it…
— Edi Rama (@ediramaal) February 28, 2026