Kryeministri i Shqipërisë, Edi Rama, me rastin e 1 shtatorit, vitit të ri shkollor, ka bërë të ditur se do të nisë shpërndarja e teksteve shkollore falas për të gjithë nxënësit e shkollave.
Përmes një postimi në Facebook, Rama ka thënë se përveç klasave të para, edhe ato të dyta e të treta do t’i kenë librat falas me një përdorim, si dhe nxënësit e 16 kategorive të veçanta në arsimin e mesëm të lartë.
“Dhe me nisjen e shpërndarjes së teksteve FALAS për të gjithë nxënësit e shkollave publike 9-vjeçare – ku përveç klasave të para, edhe ato të dyta e të treta do t’i kenë librat falas me një përdorim – si dhe për nxënësit e 16 kategorive të veçanta në arsimin e mesëm të lartë, një konkretizim tashmë tradicional i mbështetjes së qeverisë shqiptare për të pajisur nxënësit me burime cilësore të dijes, ju uroj një ditë të mbarë”, ka shkruar Rama.