Kryetari i Prishtinës, Përparim Rama, ka thënë se problemit të mbeturinave në kryeqytet tashmë i ka ardhur fundi.
Rama ka njoftuar se kanë rritur kapacitetet e organeve të kryeqytetit për të mbledhur mbeturinat rregullisht.
“Rritja e kapacitetit bashkë me kontejnerët e ri që po shpërndahen, janë rezultat i ndryshimeve që kam bërë në menaxhment të Drejtorisë së Shërbimeve Publike”, ka thënë i pari i Prishtinës.
Ai i ka lutur qytetarët që të jenë të përgjegjshëm në hudhjen e mbeturinave në mënyrë që ta mbajnë Prishtinën të pastër.