Kryeministri i Shqipërisë, Edi Rama, ka thënë se sulmet mbi EULEX-in janë të dënueshme pa asnjë ekuivok ashtu sic është i dënueshëm çdo akt dhune ndaj policisë së Kosovës.
Rama theksoi se se rishfaqja e barrikadave në veri të Kosovës bie ndesh me çdo lloj fryme dialogu e jo vetëm që nuk zgjidh asgjë por komplikon më shumë.
“ Sulmet mbi @EULEXKosovo janë të dënueshme pa asnjë ekuivok ashtu siç është i dënueshëm çdo akt dhune ndaj policisë së Kosovës. Rishfaqja e barrikadave në Veri të Kosovës, bie ndesh me çdo ligj e çdo frymë dialogu e jo vetëm nuk zgjidh asgjë, po përkundrazi komplikon më tej çdo gjë”, ka shkruar Rama në Twitter.
Ai tha se shtyrja e vendime nga ana e presidentes Vjosa Osmani është një sinjal kuptimplotë, e këtij sinjali sipas Ramës duhet t’i përgjigjen autoritet e Beogradit me të njëtën frymë.
“Shtyrja e votimeve nga ana e Presidentes së Republikës së Kosovës është një sinjal kuptimplotë, të cilit autoritetet e larta të Beogradit duhet t’i përgjigjen me të njëjtën frymë dhe ndjenjë përgjegjësie, për moslejimin e përshkallëzimeve të mëtejshme të akteve destabilizues”, ka shtuar Rama.
Sipas Ramës, Beogradi duhet të ushtrojë ndikimin e vet mbi serbët e Veriut të Kosovës, pa i justifikuar assesi veprimet e tyre cilatdo qofshin arsyet! Arsyet diskutohen nuk përdoren si armë kundër policisë e si barrikada kundër rendit ligjor. BE-ja duhet të thërrasë urgjent tryezën e dialogut”.
Sulmet mbi @EULEXKosovo janë të dënueshme pa asnjë ekuivok ashtu siç është i dënueshëm çdo akt dhune ndaj policisë së Kosovës. Rishfaqja e barrikadave në Veri të Kosovës,bie ndesh me çdo ligj e çdo frymë dialogu e jo vetëm nuk zgjidh asgjë,po përkundrazi komplikon më tej çdo gjë!
— Edi Rama (@ediramaal) December 11, 2022
Shtyrja e votimeve nga ana e Presidentes së Republikës së Kosovës është një sinjal kuptimplotë, të cilit autoritetet e larta të Beogradit duhet t’i përgjigjen me të njëjtën frymë dhe ndjenjë përgjegjësie, për moslejimin e përshkallëzimeve të mëtejshme të akteve destabilizuese!
— Edi Rama (@ediramaal) December 11, 2022