Ministri për komunitete dhe kthim, Nenad Rashiq, ka bërë të ditur se prej kur është bërë ministër në Qeverinë e Kosovës, djali i tij është ndalur në kufi nga BIA serbe nga katër orë.
Ai në “Five” e ka akuzuar shtetin serb se për shkak të sjelljeve hakmarrëse të tyre, djali i tij është detyruar t’i ndalojë përkohësisht studimet.
Rashiq u shpreh se për katër orët që ndalet në hyrje-daljet e Serbisë, pjesëtarë të BIA-s ia marrin edhe telefonin dhe ai si baba nuk mund të ketë kurrfarë komunikimi me të.
Këto sjellje, ai i ka cilësuar si shantazh ndaj tij.
“Shantazhet e kanë kaluar një nivel tjetër, djali im ka studiuar në Nish, vitin e dytë të ekonomisë. Prej që jam bërë ministër, çdoherë që kalon atje, 4 orë e mbajnë BIA në kufi, kur shkon dhe kur kthehet. Normalisht, djali i ka ndërprerë për momentit, kur e ndalin ia marrin telefonit, 4 orë pritni dhe nuk dini çfarë po ndodh me djalin tuaj, nuk është lehtë. Ky është çmimi që duhet të paguhet kur merresh me këta njerëz”, ka thënë ai.