Rasti i shtatzënës, suspendohen 4 zyrtarë policorë në Lipjan

IPK

Tri ditë pas vrasjes së 35-vjeçares shtatzënë, Hamide Magashit shteti ka marrë masa ndaj pjesëtareve të Policisë që kanë qenë përgjegjës mbrojtjen e saj.

Me rekomandim të Inspektorati Policor i Kosovës, janë suspenduar komandanti i Stacionit policor në Lipjan, një rreshter dhe dy hetues policorë.

IPK-ja nuk ka treguar emrat e të suspenduarve, por RTV Dukagjini ka mësuar se ata janë komandanti Naser Sinani, rreshteri Hasim Luboveci, dhe hetuesit Fejsal Ahmeti dhe Frashër Rexhepi.

Hetimet e IPK-së kanë çuar te dyshimet se këta zyrtarë kanë kryer dy vepra të rënda penale.

“Hetuesit e IPK-së, si rezultat i ndërmarrjes së disa veprimeve hetimore, kanë arritur deri tek dyshimi i arsyeshëm, se lidhur me zbatimin e Urdhrit-mbrojtës nga ana e zyrtarëve te Stacionit Policor Lipjan, ka elemente të veprave penale ‘Keqpërdorimi i pozitës apo autoritetit zyrtar’ dhe ‘Falsifikimi i dokumentit zyrtar’”, kanë thënë nga IPK-ja.

Zbatimin e këtij rekomandimi të IPK-së e ka konfirmuar ministri i Punëve të Brendshme, Xhelal Sveçla.

Ai ka bërë të ditur se të gjeturat e deritanishme do të përcillen në prokurori për trajtim penal.

“Në takimin e mbrëmshëm të ftuar nga Presidentja, kam njoftuar se IPK është në fazën e fundit të hetimeve ndaj zyrtarëve policor që janë angazhuar në gjithë rastin e tashmë të ndjerës Hamide Magashi, veçanërisht për pjesën e zbatimit të Urdhrit Mbrojtës nga Stacioni Policor në Lipjan”, ka thënë Sveçla.

Reagimin e IPK-së për këtë rast e vlerëson të shpejtë ish-udhëheqësi i këtij inspektorati, Valdet Hoxha.

Mirëpo, sipas tij, përgjegjësia duhet ta prekë edhe hierarkinë më të lartë brenda Policisë.

02:01 “Besoj që në vazhdën e hetimeve dhe konkluzionit të përgjithshëm pas zhvillimit të hetimeve, do të ketë edhe përgjegjësi të reja dhe vënie para përgjegjësisë edhe të zyrtarëve tjerë edhe të nivelit më të lartë, sepse natyrshëm që nuk mund të jenë përgjegjës vetëm zyrtarët e nivelit të parë, apo komandanti i Stacionit policor sepse bazuar në hierarkinë e Policisë, ky departament i dhunës në familje ka hierarki më të lartë”, ka thënë Hoxha.

Valdet Hoxha

Shqetësuese, Hoxha e quan sidomos akuzën për falsifikim të dokumentit zyrtar, e cila rëndon mbi zyrtarët e suspenduar.

03:40 “Në qoftë se vërtetohet si e tillë, vërtetë është shqetësuese dhe këtu pastaj flasim për një përgjegjësi direkte institucionale të Policisë së Republikës së Kosovës sepse nuk të ndalet përgjegjësia vetëm në nivelin e hetuesve policorë”, ka shtuat Hoxha.

Magashi dyshohet se u vra nga bashkëshorti i saj, Sokol Halili, në oborrin e Klinikës së Gjinekologjisë në Prishtinë, ku ajo ishte shtrirë në pritje të lindjes së fëmijës së saj.

Një urdhër mbrojtjeje ndaj saj i lëshuar nga Gjykata në Ferizaj ishte në fuqi në kohën kur ka ndodhur vrasja.

I dyshuari për krimin e rëndë ishte në arrati për 48 orë, i cili gjatë negocimit me Policinë për tu dorëzuar, ka vrarë veten të premten.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Hapet aplikimi për shtesat për fëmijët e lindur në vitin...

Ministria e Financave, Punës dhe Transfereve ka njoftuar qytetarët se të enjten e 1 shtatorit është hapur aplikimi edhe për fëmijët e lindur nga...

Hapet aplikimi për shtesa për fëmijët e lindur nga viti...

Ministria e Financave, Punës dhe Transfereve ka njoftuar qytetarët të shtunën, për hapjen e aplikimit për fëmijët e lindur nga 1 janari i vitit...

Të fundit nga rubrika