Kryeministrja e Serbisë, Ana Brnabiq, i ka reaguar të dërguarit të Shteteve të Bashkuara të Amerikës (SHBA), Gabriel Escobar, duke ironizuar se Emisari amerikan e ka marrë rolin e Këshillit të Sigurimit të Kombeve të Bashkuara.
Sipas Brnabiq-it, Escobar është një tjetër politikan dhe që i është bashkëngjitur kundër-Rezolutës së vlefshme 1244.
“Unë shoh që miku im, Gabriel Escobar, është një tjetër politikan që është me vendosmëri kundër Rezolutës aktuale të Këshillit të Sigurimit të OKB-së. Ai mori rolin e Këshillit të Sigurimit dhe njëzëri me Ministrin e Punëve të Jashtme të Gjermanisë dhe Ministrin e Heshtjes Viloa von Cramon, i njohur edhe si raportuesi i PE-së për Kosovën, anuloi Rezolutën 1244 të OKB-së”, ka shkruar Brnabiq në Twitter.
Or are we just supposed to follow your horoscope in order to guess your wishes and help save the world peace?
I thank you for your time – I can only imagine how busy it must be to run the world instead of the UN…. 🙏 6/6— Ana Brnabic (@anabrnabic) December 13, 2022
Në një sërë postimesh në Twitter për Escobar, Berbock dhe për Viola von Cramon, Kryeministrja serbe ka thënë se kjo është treshja që do të vendosë për të gjitha çështjet globale, pa qenë nevoja të organizohet një mbledhje e Këshillit të Sigurimit.
“Nëse mund të bëj një pyetje me respektin e duhur për këta Udhëheqës të Mëdhenj, nëse Rezoluta 1244 nuk është më e vlefshme sepse nuk ju pëlqen dhe prandaj, kujt i intereson) dhe nëse Marrëveshja e Brukselit nuk qëndron si Curetti thotë dhe ju Udhëheqësit e Mëdhenj nuk i keni përgënjeshtruar kurrë fjalët e tij… Dhe nëse Marrëveshja e Uashingtonit nuk është gjë tjetër veçse një gjë e së kaluarës thjesht nuk është më në modë, dhe Karta e OKB-së nuk vlen për Serbinë, sepse ju të nderuar udhëheqës, mendoni se nuk duhet, atëherë sipas cilës marrëveshje, rezolutë, parime duhet të veprojmë?
Apo thjesht duhet të ndjekim horoskopin tuaj për të marrë me mend dëshirat tuaja dhe për të ndihmuar në ruajtjen e paqes në botë”, ka shkruar Bërnabiq në Twitter.
“Faleminderit për kohën tuaj, vetëm mund ta imagjinoj sa e vështirë është të qeverisësh botën në vend të Kombeve të Bashkuara”, përfundoi kryeministrja në përgjigjen e saj drejtuar Escobar.