Gjatë mbledhjes të së premtes Qeveria e Kosovës ka njoftuar se ka miratuar vendimin për shpronësimin e tokave në Komunën e Leposaviqit dhe Komunën e Zubin Potokut.
Për këtë përmes një njoftimi ka reaguar e ashtuquajtura Zyra për Kosovën në Qeverinë e Serbisë, ku e kanë akuzuar kryeministri, Albin Kurti, për “vendime të njëanshme dhe të paligjshme” ndaj qytetarëve serbë të Kosovës.
“Me këtë qëllim sot është marrë një vendim i ri nga Qeveria e Kosovës për shpronësimin përfundimtar të pronës së paluajtshme të pronarëve të parcelave në komunën Leposaviq dhe Zubin Potok, si sulm i ri ndaj pronës private të Serbët, ndërsa në të njëjtën kohë në pjesën veriore të Mitrovicës së Kosovës, përfaqësuesit ilegal dhe jolegjitim të Kurtit kërcënojnë me hapjen e urës në Ibër si formë e re e provokimit dhe frikësimit të serbëve”, thuhet në njoftim.
Kujtojmë se vitin e kaluar, serbët lokalë në fshatin Dren të Leposaviqit në veri, protestuan për tri ditë me radhë, duke kërkuar nga Qeveria që të tërheqë vendimin për shpronësimin e tokës në atë zonë, të marrë në mes të janarit 2023.