Përkundër reshjeve të borës rrugët që shpijnë në vendkalimet kufitare vazhdojnë të jenë të kalueshme, përveç magjistrales Pejë – Kullë, ku maunat nuk mund të kalojnë.
Këto janë të dhënat e fundit nga Ministria e Punëve të Brendshme lidhur me gjendjen e rrugëve, të përditësuara rreth orës 07:00.
Ndryshe, Instituti Hidrometeorologjik i Kosovës ka njoftuar se edhe sot do të bie borë në disa vende.
Temperaturat minimale do të lëvizin ndërmjet -3 deri -1 gradë Celsius, ndërsa maksimalet e ditës parashihen të lëvizin ndërmjet 0 deri 2 gradë Celsius.
Po ashtu, do të fryjë erë e lehtë deri mesatare nga drejtimi i verilindjes dhe veriperëndimit.