Revista maqedonase sjell në jetë historinë e mbuluar me një shall nga autori kosovar

Revista letrare në Maqedoni, okno.mk ka publikuar një fragment nga vepra e parë letrare e autorit dhe publicistit nga Kosova, Migjen Kelmendi, “Gryka e kohës”.

“Gryka e kohës” është roman i botuar në vitin 1994 nga shtëpia botuese “Dukagjini”, nën përkujdesjen e Shkëlzen Maliqit.

Kelmendi në postimin e bërë në Facebook ka deklaruar se romani i tij do të ribotohet këtë vit. Ai, gjithashtu, ka falënderuar përkthyesen e fragmentit të librit, Alida Mucha, për profesionalizmin dhe përkushtimin e saj.

Migjen Kelmendi, autor dhe publicist kosovar

Fragmenti nga romani i publikuar flet për kohën e revolucionit në Pejë, i cili e gjeti gjyshin e tij, Arifin, duke u përpjekur të shlyente borxhin për dyqanin. Ai kishte shlyer pjesën më të madhe të borxhit, po i kishte mbetur një i fundit, jo sepse nuk kishte, por sepse Menduh Ali Begu, një burrë shumë i pasur në Pejë, nga i cili kishte blerë dyqanin, nuk kishte para në ato ditë.

Fragmenti i shkëputur nga libri flet për gjyshin e tij, Arifin, i cili ishte një gorian nga fshati Drelaj i Rugovës.

Aty ai shkruan me kuptime figurative, dhe thotë se rugovasit nuk dallonin vetëm për diellin, të cilin e konsideronin si sy të Zotit, por dallonin edhe në re, ata që lindën mbi re dhe të tjerët që kanë lindur nën re.

Kelmendi, në roman, duke përdorur figurën e krahasimit, gjyshin e tij e paraqet si një nga ata të lindur nën re. Ai thotë për të se dallohej nga rugovianët e tjerë që kishin ardhur para tij në Pejë, me shallin karakteristik që e quan rugovski.

Një pjesë e publikuar në revistë nga romani “Gryka e kohës”:

KLEPSIDRA

Arifi shkëlqeu nga brenda dhe sado që këto foto i dukeshin të palidhura, ai sikur e kapi fillin e kësaj bindjeje të rugovianëve. Bota nuk do të jetë më e njëjta. Prandaj, shalli mbetet i bardhë vetëm në Rugovë. Sa herë u përmend fjala Rugovë, u rrahën zemra, duke gërmuar në burimin e dhimbjes që i minoi. Duke zbritur nga Rugova në Pejë, ata erdhën nga një botë ku koha matej me qirinj dhe rridhnin nga poshtë lart, duke u derdhur në qiell, ku një ditë do të rridhnin shpirtrat e tyre (ditën që është shkruar e gjitha në ballin tonë) në një botë tjetër, ku koha matej me orën e rërës dhe rridhte nga lart poshtë. Rugovasit ishin të bindur se, ashtu si lumenjtë dhe uji derdhen në oqean, ashtu edhe koha, e cila nuk është gjë tjetër veçse një lumë i padukshëm, derdhet në qiell, në atë pafundësi, oqean i përjetshëm. Qiriu ishte vetëm një simbol i asaj prurjeje, një simbol i diçkaje që konsumohet, që digjet si koha dhe si jeta.

Gjithçka kishte ndryshuar parimin e matjes së kohës, duke e bërë të mundur parimin e tyre të matjes. (Këtë e dëshmuan me ardhjen e tyre nga Rugova në Pejë, sikur të ishin në një orë të madhe të Zotit). Dora e madhe e të padrejtëve u përmbys dhe e bëri botën përmbys!” thanë rugovianët. Ata ndjenë tmerrin e humbjes. Ata ishin humbës. Dhe për këtë humbje, përveç mënyrës së matjes së kohës, kanë marrë për arsye edhe energjinë elektrike!

Rugovasit nuk e kishin humbur betejën me serbët dhe malazezët. Ata kishin humbur betejën e shekullit të njëzetë. Ai kishte ardhur para kohe. (Sipas mënyrës së matjes së kohës në Rugovë, është dashur të vinte pas pesëdhjetë vjetësh.) Shekulli i njëzetë ishte “një natë e ndritur” për rugovarët! Për ta, shekulli i njëzetë ende nuk kishte shkëlqyer. Për shkak të kësaj ata ishin të pakënaqur. Dhe, më e keqja, ata u mposhtën.(…)

Migjen Kelmendi, i lindur më 1959, për herë të parë u bë i njohur si vokalisti i grupit muzikor Gjurmët. Ndërmjet viteve 1978 dhe 1983 u diplomua në Fakultetin Juridik në Universitetin e Prishtinës. Ai është angazhuar në pozita përgjegjëse në RT Prishtinë, e më vonë në televizionin amerikano-shqiptar “Victoria” në New York. Ndërmjet viteve 1997 dhe 1999, ai u emërua nga Qeveria e Kosovës, si kryeredaktor i një programi satelitor në gjuhën shqipe të transmetuar nga Televizioni Shqiptar. Ai është i specializuar në menaxhimin e medias në Universitetin Concordija në Montreal, Kanada. Në periudhën 2000/2001 ishte drejtori i parë shqiptar i RT Kosovë.

Veprat e njohura letrare të botuara të tij janë, “Kalimi në kohë”,  1994, “MM”- Prishtinë, “Carere Patria – mungesa e atdheut”, e botuar nga Çabej, Tiranë, 1997.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika