Fëmijëri e lumtur.
Këtë përjetim përçon kjo fotografi, që është kujtimi i fundit i fëmijëve të familjes Jashari që lindën në vitet e 90-ta, e shumica prej të cilëve vdiqën heroikisht mes 5, 6 dhe 7 marsit të vitit 1998.
Në mesin e këtyre fëmijëve që mbetën të vrarë, janë Blerina Jashari, 7 vjeç, Fatime Jashari, 9 vjeç, e Igballe Jashari, 11 vjeç.
Gjithsej, 22 anëtarë të ngushtë të familjes Jashari, mbetën të vrarë nga luftimet me forcat ushtarake e policore serbe.
Mirëpo, përkundër gjithë këtyre humbjeve, forcat serbe nuk ia dolën ta shuajnë këtë familje.
Familja Jashari tashmë është ripërtërirë dhe emrat e heronjve të kombit që vijnë nga kjo familje janë përtërirë gjithashtu.
Emrin e komandantit legjendar, Adem Jashari, e ka marrë nipi i tij, Adem Jashari i ri, i biri i Lulzimit. E edhe vet Lulzim Jashari, ka ndryshuar muajt e fundit pamjen, duke rritur përngjasin me babain.
Sikur emri i Adem Jasharit, në familjen heroike, vazhdon të rritet Hamëz Jashari i ri. Këtë emër e ka marrë djali i ish-kryetarit të Skenderajt, Bekim Jashari.
Familja ka përtërirë edhe emrat e babait dhe nënës së legjendarëve, Shaban dhe Zahide Jashari.
Të rinjtë mbajnë me krenari emrat e heronjve.
Gjatë ditës është publikuar kjo fotografi e rrallë e Rifat Jasharit, me Shaban, Hamëz dhe Adem Jasharin e ri.
Përveç tyre, Jasharët kanë ripërtëri edhe emrin e Fitim, Blerim, Feride, Igball, Adile, Besim, Zarife e Valdete Jashari, të cilët ranë gjithashtu heroikisht në luftimet e marsit.