Ambasadori i Gjermanisë në Kosovë, Jorn Rohde, lidhur me vrasjen e një polici dhe plagosjen e një tjetri sot në orët e para të mëngjesit në Banjskë të Zveçanit, ka thënë se autorët e këtij “sulmi vrasës” kundër zyrtarëve të rendit të Kosovës duhet të dalin para drejtësisë.
I fully associate with my US colleagues‘ statement. The perpetrators of this murderous attack against KOS law enforcement officers must be brought to justice. 1/2 https://t.co/lqk48HCm96
— Ambassador Jörn Rohde (@GermanAmbKOS) September 24, 2023
Rohde ka thënë se sundimi i ligjit duhet të zbatohet në Kosovë.
“Ngushëllimet e mia të përzemërta shkojnë për familjen e policëve të vdekur të PK-së dhe për policët e plagosur të PK-së”, ka thënë ai.
The rule of law needs to be enforced in Kosovo. My heartfelt condolences go to the family of the deceased KP officers and to the wounded KP officers. 2/2
— Ambassador Jörn Rohde (@GermanAmbKOS) September 24, 2023
Lidhur me këtë ngjarje ka reaguar dhe ambasadori amerikan në Kosovë, Jeff Hovenier, i cili ka thënë se Shtetet e Bashkuara të Amerikës dënojnë fuqishëm sulmet e orkestruara ndaj Policisë së Kosovë, ku mbeti një zyrtar policor i vrarë dhe një tjetër i plagosur.
Në deklaratën e tij, Hovenier ka theksuar se Policia ka përgjegjësi të plotë për zbatimin e ligjit.
Lexo dhe: ShBA-të dënojnë sulmet e orkestruara ndaj Policisë në veri: Autorët do të mbajnë përgjegjësi
“Shtetet e Bashkuara dënojnë fuqishëm sulmet e orkestruara, të dhunshme ndaj Policisë së Kosovës mëngjesin e sotëm të 24 shtatorit. Policia e Kosovës ka përgjegjësi të plotë dhe legjitime për zbatimin e sundimit të ligjit sipas Kushtetutës dhe ligjeve të Kosovës. Ne e njohim dhe respektojmë rolin e saj si reagimi i parë në situata emergjente dhe krize. Ne vlerësojmë koordinimin e vazhdueshëm ndërmjet Policisë së Kosovës, Misionit të BE-së për Sundimin e Ligjit në Kosovë dhe Forcës së NATO-s në Kosovë (KFOR), sipas rastit. Ne po e monitorojmë situatën nga afër dhe i dënojmë këto akte të dhunshme ndaj autoriteteve legjitime të Republikës së Kosovës. Autorët duhet dhe do të mbajnë përgjegjësi dhe do të dalin para drejtësisë”, ka thënë Hovenier.