Roth: E pakuptimtë që ShBA-ja të vendosë kushte shtesë për Kosovën në KiE, kjo qasje të ndalet

"Është krejtësisht e pakuptimtë që ShBA-ja vë kushte shtesë për anëtarësimin e Kosovës në Këshillin e Evropës. Kjo qasje e pabalancuar e ShBA-së ndaj Kosovës duhet të ndalet përfundimisht", ka deklaruar kryetari i Komisionit për Punë të Jashtme i Bundestagut gjerman, Michael Roth

Michael Roth

Kryetari i Këshillit për Punë të Jashtme të Bundestagut gjerman, Michael Roth ka reaguar ndaj deklaratës së emisarit amerikan, Gabriel Escobar, i cili tha se Kosova i ka edhe kushte për anëtarësim në Këshill të Evropës (KiE) si Asociacionin dhe disa shpronësime në veri të Kosovës.

Roth e ka cilësuar si të “pakuptimtë” që ShBA-ja të flasë për këtë gjë teksa ka thënë se qasja e pabalancuar ndaj Kosovës duhet të marrë fund.

Roth tutje ka thënë se Këshilli i Evropës vendos për anëtarësimin e Kosovës në KiE e jo ShBA-ja.

“Është krejtësisht e pakuptimtë që ShBA-ja vë kushte shtesë për anëtarësimin e Kosovës në Këshillin e Evropës. Kjo qasje e pabalancuar e ShBA-së ndaj Kosovës duhet të ndalet përfundimisht. Është e padrejtë. Këshilli i Evropës dhe shtetet e saj anëtare janë në ulësen e shoferit – jo ShBA-ja”, ka shkruar Roth në “X”.

Po ashtu edhe deputeti gjerman, Knut Abraham dje ka reaguar ndaj deklaratës së emisarit amerikan, Gabriel Escobar.

Abraham ka thënë se Asambleja Parlamentare e Këshillit të Evropës (PACE) për anëtarësimin e Kosovës vendos në mënyrë të pavarur, teksa ka shtuar se ShBA-ja s’do të pranohej për shkak të dënimit me vdekje.

Ndryshe, më 13 mars, kryeministri i Kosovës, Albin Kurti, njoftoi gjatë mbledhjes së ekzekutivit se kërkesa drejtuar Agjencisë Kadastrale është bërë pasi që zbatimi i vendimit të Gjykatës Kushtetuese, që kërkon transferimin e 24 hektarëve tokë të Manastiri i Deçanit, do të ishte vendimtar për aplikimin e Kosovës për anëtarësim në Këshillin e Evropës, gjatë Asamblesë Parlamentare të këtij institucioni, që do të mbahet në prill.

Ndërkaq të premten, emisari amerikan, Gabriel Escobar, në një intervistë për Radion Evropa e Lirë deklaroi se janë edhe dy kushte të tjera për anëtarësimin e Kosovës në KiE, si Asociacioni i komunave me shumicë serbe dhe ai për shpronësimet në veri.

Shija e redaktorit

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Të fundit nga rubrika