Kapiteni i Kosovës, Amir Rrahmani, ka publikuar në Instagram një fotografi të legjendës së futbollit Fadil Vokrri.
Në fotografinë e postuar, prapa shpinës së Vokrrit shihet e varur fanella e Rrahmanit me numrin 13.
Me këtë gjest simbolik, Rrahmani ka kujtuar ish-presidentin e Federatës së Futbollit të Kosovës në një ditë tejet të rëndësishme për përfaqësuesen e Kosovës.
Sonte Kosova nga ora 20:45 zhvillon finalen e plejofit për kualifikim në Kupën e Botës 2026 ndaj Turqisë.
Rrahmani nuk do të paraqitet në fushë për shkak të lëndimit, por ka udhëtuar në Prishtinë për të mbështetur bashkëlojtarët në këtë ndeshje historike.
