Rreth 300 ushtarë nga Shtetet e Bashkuara, Gjermania, Danimarka, Bullgaria, Mbretëria e Bashkuar, Turqia, Zvicra, Kroacia, Letonia, Sllovakia dhe Polonia, që shërbejnë në kuadër të Komandës Rajonale – Lindje të KFOR-it, kanë marrë pjesë në marshin “Norwegian Ruck” të mbajtur në Kampin Bondsteel në Kosovë.
Marshimi, që përfshiu një distancë prej 30 kilometrash me çanta 11-kilogramëshe, u organizua në nderim të ushtarëve të rënë, duke reflektuar përkushtimin, qëndrueshmërinë dhe profesionalizmin e pjesëtarëve të KFOR-it.
KFOR ka theksuar se vazhdon të zbatojë mandatin e tij të bazuar në Rezolutën 1244 të Këshillit të Sigurimit të OKB-së, duke kontribuar për një ambient të sigurt për të gjithë qytetarët e Kosovës dhe lirinë e lëvizjes, në çdo kohë dhe në mënyrë të paanshme.
Misioni operon në bashkëpunim të ngushtë me Policinë e Kosovës dhe misionin e BE-së për Sundimin e Ligjit (EULEX), secili në rolin e tij si përgjegjës për sigurinë.