Ministrja e Financave në Shqipëri, Delina Ibrahimaj, ka thënë se ekonomia shqiptare do të rritet përtej parashikimeve që kanë bërë institucionet ndërkombëtare.
Siç raporton Top Channel, në një konferencë për shtyp ajo deklaroi se shifra e rritjes do të jetë 3.7 për qind.
Sipas Ibrahimajt, ekonomia shqiptare do të mund të gjitha parashikimet e institucioneve ndërkombëtare për rritjen ekonomike në Shqipëri, për të cilën është thënë se do të jetë e zymtë.
“Ata e kanë renditur ekonominë shqiptare si të fundit në rajon, por në konferencën e gjashtëmujorit dha një parashikim mjaft optimist”, ka thënë Ibrahimaj.
Sipas saj, kjo rritje e ekonomisë do të ketë dy burime kryesore.
“E para është reforma e pagave që ka nisur qeveria, në këtë mënyrë do të shtohet konsumi i popullatës. Nga krahu tjetër është turizmi ku numri i turistëve është 700 mijë më i madh se vitet e tjera”, ka vijuar ajo.
Sipas saj, në 3-mujorin e parë të vitit rritja ekonomike ishte në nivelin 2.7%, që sipas ministres ishte më e larta në nivelin rajonal, por edhe më e lartë se mesatarja e BE.