Ish-ndihmëssekretari amerikan i Shtetit, James Rubin, ka nisur sot dëshminë e tij para Gjykatës Speciale në Hagë, në procesin gjyqësor kundër ish-presidentit Hashim Thaçi dhe ish-krerëve të tjerë të Ushtrisë Çlirimtare të Kosovës.
Gjatë paraqitjes së tij, Rubin ndau kujtimet për takimet me Thaçin në periudha të ndryshme të jetës dhe karrierës së tij politike.
“Pas vitit 2000 kam pasur ndërveprim me Thaçin. Nuk më kujtohen të gjitha, më kujtohet takimi i parë ai ishte djalë i ri, e kam takuar në një kohë të vështirë, nuk kishte funksion apo pushtet.
Herën e parë jemi takuar pas publikimit të kësaj në New York kur është bërë kryeministër. Erdhi në një restorant si kryeministër, dhe unë u habita nga kjo sepse kishte kaluar nga një djal i ri që punonte në rrethana të vështira, tani befasisht ishte bërë kryeministër. Kishin kaluar disa vite. Kjo ka ndodhur në një restorant në New York.
Hera e fundit besoj duhet të ketë qenë rreth vitit 2019 kur po punoja në Uashington dhe ai ishte president i Kosovës”, ka thënë Rubin.