Rusia ka parë një draft të ri të planit amerikan për përfundimin e luftës në Ukrainë dhe e konsideron disa pika të tij pozitive, por kërkon diskutime për pjesët e tjera, tha Kremlini të mërkurën, sipas Agence France-Presse (AFP).
Këshilltari i Kremlinit, Yuri Ushakov, i tha një gazetarit të një televizioni shtetëror rus se drafti i ri kërkon “analizë shumë serioze” dhe se Rusia ende nuk e ka diskutuar atë me askënd. Plani nuk është publikuar ende.
Presidenti amerikan Donald Trump tha të martën se kjo është një version “i përpunuar” i një plani 28-pikësh të mëparshëm, i cili ishte refuzuar nga Kyiv dhe Evropa, dhe se po dërgon zyrtarë për të takuar të dyja palët me shpresën për ta finalizuar.
Ushakov shtoi se disa pika mund të shihet pozitivisht, por shumë të tjera kërkojnë diskutime të veçanta midis ekspertëve.
Plani origjinal, që ishte kritikuar gjerësisht në Evropë për pranimin e kërkesave të Moskës, parashihte që Ukraina të tërhiqej nga rajoni lindor i Donetskut dhe që SHBA-të të njohin në praktikë rajonet Donetsk, Luhansk dhe Krime si ruse.
Më vonë, Ukraina njoftoi se kishte arritur një “kuptim të përbashkët” me SHBA-në dhe se disa nga pikat me të cilat Kyiv nuk ishte dakord ishin hequr pas bisedimeve në Gjenevë.
Nuk dihet se cilat pika janë hequr dhe cilat mbeten, dhe dallime të thella vazhdojnë të ekzistojnë në pozicionet negociuese të Rusisë dhe Ukrainës./TheGuardian