Analisti Arbnor Sadiku ka thënë se Kurti kishte sinjalizuar KFOR-in me deklaratat e fundit të tij, për të cilat Sadiku thekson se duhet të ketë kujdes.
I ftuar në “FIVE” të RTV Dukagjini, Sadiku ka thënë se deklaratat e Kurtit përgjatë të cilave përmendte fjalë sikurse “luftë”, Kryeministri kishte sinjalizuar ndërkombëtarët ashtu që barra e sigurisë së vendit të mos i binte vetëm Policisë së Kosovës.
“Do të ishte një interes ancional arritja e një marrëveshje me Serbinë ngase do të ishte momentum i duhur politik që do të garantonte shtetësinë e Kosovës dhe pavarësia e saj nuk do të ishte kontestuese”, ka thënë Sadiku në RTV Dukagjini.
Ndër të tjera, ai ka thënë se tensionet më një shtator, data për të cilën janë shtyer zbatimet e vendimeve për reciprocitetin, nuk do të shmangen. Ai ka theksuar se me këtë nuk nënkupton “një luftë”, por rivendosje të barikadave.
Njëherësh, ai ka përmendur edhe konfirmimin e këtyre tensioneve nga deklaratat e Presidentit të Serbisë, Aleksandar Vuçiq.
Lidhur me një marrëveshje të mundshme në fushën e Sigurisë në mes Kosovës dhe Serbisë, Sadiku e ka cilësuar idenë e Presidentes Osmani sikurse “kreative”, por edhe njëherësh, “një balon në ajër”.
“ Pavarësisht raporteve vllazërore me Shqipërinë, mund të themi se raportet mes dy shteteve jane te tjera dhe kane pikendarje te ndryshme. Ne keto momente nuk mund te kene bashkepunime ne fushen e sigurisë” , ka thene Sadiku gjersa ka shtuar se Shqipërisë i duhet një pëlqim për të realizuar marrëveshjen duke qenë se Kosova nuk është një anëtare e NATO-së.