Boksierja Donjeta Sadiku ka siguruar sot normën për Lojërat Olimpike, e të cilat do të mbahen në Paris në vitin 2024.
Trajnerja e saj, Marjola Sallauka ka thënë se kjo është ditë e madhe për Kosovën dhe për të gjithë popullin shqiptar.
Përmes një postimi, Sallauka e ka cilësuar Sadikun si një trimëreshë e vërtetë dhe luaneshë në ring.
“E palodhshme e punëtore që asnjëherë nuk u dorëzua drejt realizimit të ëndrrave të saj, e që sot arriti të siguroj kualifikimin për në Lojërat Olimpike – Paris 2024. Jam krenare që jam trajnerja e saj e krahë saj në realizimin e ëndrrës Olimpike”, ka thënë ajo.
Ajo është shprehur se rruga nuk përfundon dhe se shihemi në Paris, atëherë kur zhvillohen këto lojëra.