Policia e Kosovës ka njoftuar se të mërkurën e 19 tetorit, Stacioni Policor Prizren-veri ka asistuar inspektorët e Komisionit të Pavarur të Minierave të Kosovës.
Policia njofton se gjatë inspektimit në fshatin Krushë e Vogël të komunën e Prizrenit, janë gjetur disa makineri që kanë qenë duke operuar në nxjerrjen dhe përpunimin e rërës së lumit.
“Nga inspektorët përgjegjës është konstatuar së pronarët e mjeteve nuk kanë lejet përkatëse”, thuhet tutje në njoftimin e Policisë së Kosovës.
Tutje, në njoftim thuhet se Policia në konsultim dhe me prokurorin kujdestar kanë rrethuar me shirit vendin, dhe mjetet janë sekuestruar përkohësisht. Ndërsa, kundër të dyshuarve do të procedohet lënda për veprën penale përkatëse.