Policia e Kosovës ka sekuestruar pajisje të sofistikuara për prodhimin e kripto-valutave në fshatin Qabër të komunës së Zubin Potokut.
Gjatë këtij operacioni, njësitë policore kanë zbuluar 13 pllaka kompjuterike (të njohura si “riga”) dhe pajisje të tjera përcjellëse që shërbejnë për procesin e prodhimit të kriptomonedhave.
“Me datën 31.07.2025, Policia e Kosovës, gjatë aktiviteteve të saj policore në fshatin Qabër, komuna e Zubin Potokut, ka hasur në pajisje që shërbejnë për prodhimin e kripto-valutave.
Në një objekt përcjellës të një shtëpie, policia ka gjetur dhe sekuestruar 13 pllaka kompjuterike (riga) dhe pajisje të tjera përcjellëse që përdoren për prodhimin e kripto-valutave.
Për sekuestrimin e këtyre pajisjeve është njoftuar Dogana e Kosovës, e cila do të ndërmarrë hapat e mëtejmë ligjorë në lidhje me rastin.
Policia e Kosovës apelon tek qytetarët që të raportojnë çdo veprimtari të paligjshme, në numrin pa pagesë 192.
Bashkëpunimi i qytetarëve është thelbësor për parandalimin, luftimin dhe zbulimin e veprimtarive të jashtëligjshme”, thuhet në njoftim.