Me urdhër të Prokuroria Speciale e Republikës së Kosovës, tre persona të dyshuar për veprën penale “shpëlarja e parave” janë ndaluar për 48 orë.
Të dyshuarit me inicialet A.L., A.K. dhe E.A. janë ndaluar në pikëkalimin kufitar në Merdar, pas një kontrolli të përbashkët të realizuar nga Policia e Kosovës dhe Dogana e Kosovës.
Sipas njoftimit, gjatë kontrollit në një automjet që drejtohej nga njëri prej të dyshuarve është gjetur dhe sekuestruar një shumë e madhe parash. Vlerësimet fillestare tregojnë se shuma e sekuestruar dyshohet të arrijë në rreth një milion euro.
“Të dyshuarit A.L.,A.K., dhe E.A janë ndaluar në pikëkalimin kufitar në Merdare, pasi gjatë një kontrolli të përbashkët të realizuar nga Policia dhe Dogana e Kosovës, në një automjet që drejtohej nga njëri prej tyre është gjetur dhe sekuestruar një shumë e madhe parash.