Policia e Kosovës ka njoftuar se 20 vjeçarit nga qyteti i Vushtrrisë i është sekuestruar një armë, të cilën në rrjete sociale kishte postuar një video – incizim të saj.
“Në cilësi të provës materiale nga i dyshuari është sekuestruar ama e llojit pistoletë me katër fishek”, ka njoftuar Policia e Kosovës.
Pas intervistimit, i dyshuari me urdhër të prokurorit është liruar në procedurë të rregullt.
Ndaj tij është iniciuar rasti për veprën penale “Mbajtje në pronësi, posedim, kontroll të paautorizuar i armës”.