Deputeti nga radhët e Lidhjes Demokratike të Kosovës, Driton Selmanaj, ka renditur bilancin e dështimeve të kësaj qeverie në fushën e arsimit, sidomos nga Ministria e Arsimit, Shkencës dhe Teknologjisë.
Sipas tij, librat nuk janë rast i vetëm.
“160 çerdhe nuk janë ndërtuar, Pagesa për çerdhe NUK është anuluar; Shujtat falas NUK janë siguruar; Shkollat NUK janë digjitalizuar; Mësimdhënësit NUK janë trajnuar; Bibliotekat NUK janë krijuar e pasuruar;” janë disa nga premtimet e Lëvizjes Vetëvendosje, të cilat nuk janë realizuar sipas Selmanaj.
“Këto janë premtimet e Lëvizjes Vetëvendosje, ASNJË nuk është realizuar, qytetari është mashtruar e realiteti vetëm sa është përkeqësuar. Për herë të parë as librat falas NUK janë siguruar”, ka shkruar Selmanaj.