Profesori amerikan dhe eksperti për Ballkanin, Daniel Serwer, ka thënë në një intervistë për RTK se kriza në konstituimin e Kuvendit dhe formimin e qeverisë po e dëmton imazhin e Kosovës si një histori suksesi demokratik në rajon.
Ai theksoi se ngërçi nuk pritet të sjellë paqëndrueshmëri të brendshme, por e pengon funksionimin normal të institucioneve dhe përparimin drejt integrimit euroatlantik.
“Kjo është një lloj mosmarrëveshjeje që haset shpesh në sistemet parlamentare. Megjithatë, kushtetuta e Kosovës nuk ofron një mekanizëm të qartë për zgjidhjen e saj…Për Kosovën është një pengesë serioze të mos ketë një qeveri plotësisht funksionale dhe të fuqizuar. Nuk pres paqëndrueshmëri të brendshme si pasojë e saj”, tha Serwer.
Serwer ka shtuar se kriza e dobëson Kosovën në dialogun me Serbinë.
Sipas tij, hapi i parë i domosdoshëm është arritja e një marrëveshjeje për formimin e një qeverie funksionale dhe të fuqizuar.