Shefi i OSBE-së në Kosovë: Vendimi për Klan Kosovën thellon shqetësimin tonë

Shefi i misionit të OSBE-së në Kosovë, Michael Davenport, ka reaguar lidhur me vendimin e MINT-it për mediumin Klan Kosova.

Përmes një postimi, Davenport ka thënë se ky vendim thellon shqetësimin e tyre.

“Besoj se në diskutimet e tij Komisioni i Pavarur për Media do të respektojë përgjegjësinë e tij për të mbrojtur lirinë dhe pluralizmin e medias në Kosovë”, ka shkruar Davenport.

Today’s decision to confirm suspension of the @klankosova_tv business licence deepens our concern. I trust that in its deliberations the Independent Media Commission will honour its responsibility to safeguard media freedom and pluralism in #Kosovohttps://t.co/OTKYT9sriH

— Michael Davenport (@DavenportOSCE) July 28, 2023

Ministria e Industrisë, Ndërmarrësisë dhe Tregtisë përmes një njoftimi ka bërë të ditur se Komisioni për Shqyrtimin e Ankesave për Regjistrimin e Bizneseve ka marrë sot vendim për refuzimin e ankesës së Shoqërisë Tregtare “Klan Kosova sh.p.k.”.

• Refuzohet ankesa e Klan Kosovës – Vendimi i ARBK-së për pezullimin e certifikatës “në përputhje me ligjin”

Kështu, ky Komision ka konstatuar se ARBK-ja “në shkallën e parë, ka vendosur në përputhje me ligjin kur e pezulloi certifikatën e biznesit të Klan Kosovës sh.p.k.”.