Përfaqësuesja speciale e sekretarit të përgjithshëm (PSSP) dhe shefja e UNMIK-ut, Caroline Ziadeh, ka bërë thirrje për transparencë në hetime dhe llogaridhënie për sulmin në Banjskë të Zveçanit më 24 shtator.
Ziadeh ka theksuar urgjencën për shtensionim dhe theksoi nevojën që të dyja palët t’i kthehen dialogut politik me mirëbesim.
“Gjatë takimeve të saj, PSSP Ziadeh nënvizoi urgjencën për të depërshkallëzuar tensionet dhe theksoi nevojën që të dyja palët t’i kthehen dialogut politik me mirëbesim”, thuhet në njoftim.
Siç thuhet në njoftim, në konsultimet e saj të rregullta në Beograd, ajo është duke u takuar me liderët politikë serbë dhe përfaqësues të ndryshëm të komunitetit diplomatik gjatë dy ditëve, para takimit të ardhshëm të Këshillit të Sigurimit të Kombeve të Bashkuara për Kosovën.
Ziadeh do t’i raportojë Këshillit të Sigurimit më vonë këtë muaj.