Kandidati i LDK-së për kryetar të Junikut, Ruzhdi Shehu, ka reaguar pas publikimit të rezultateve të votave të mërgatës nga KQZ, duke njoftuar se diferenca në favor të tij është thelluar edhe më shumë.
Sipas Shehut, LDK ka marrë rreth 62% të votave të diasporës, duke krijuar një epërsi prej rreth 550 votash ndaj koalicionit të kandidatëve në balotazh: Agron Kuçi (AAK), Jetmir Tofaj (LVV) dhe Nezir Kraki, i cili u përmend në reagimin e Shehut me pseudonimin “Le Prof. de Paris”.
Ai theksoi se me këtë rezultat “është rrëzuar propaganda e 300 votave” dhe shtoi se LDK ka qëndruar e qetë gjatë gjithë procesit, duke qenë e bindur se “e vërteta do të triumfonte”.