Pesë persona kanë humbur jetën dhe dhjetëra tjerë dyshohet se gjenden nën rrënoja, pasi një ndërtesë e papërfunduar është shembur në jugperëndim të Iranit.
Organizatë humanitare joqeveritare në Iran, ‘Gjysmëhëna e Kuqe’, ka njoftuar se ekipet e shpëtimit janë duke kërkuar së paku 80 persona që dyshohet se gjenden nën rrënoja të një ndërtese 10-katëshe në qytetin Abadan, shkruan BBC, transmeton Portali D.
Pamjet tregonin se dyshemetë e betonit dhe trarët e çelikut kishin rënë në rrugë poshtë, duke shtypur disa makina. Në fotografi shihet ndërtesa e rrënuar, ndërsa janë shkatërruar edhe disa vetura.
Arsyet e shembjes së ndërtesës ende nuk janë bërë të ditura. Zyrtarët kanë thënë se shkaku i shembjes është akoma nën hetim.
عملیات جستوجوی و نجات حادثهدیدگان ریزش ساختمان ۱۰ طبقه واقع در ته لنجی #آبادان با ١٢ تيم امداد ونجات از شهرستانهای آبادان، خرمشهر، دشت آزادگان، ماهشهر، شادگان، واکنش سریع استان و آنست ادامه دارد. ۵۰ نیروی امدادی از شهرهای همجوار برای اعزام به محل حادثه آمادهباش هستند. pic.twitter.com/KBOZFsBVCM
— جمعیت هلالاحمر ایران (@Iranian_RCS) May 23, 2022
Presidenti iranian, Ebrahim Raisi, i cili ndodhet jashtë vendit, ka urdhëruar menjëherë zëvendës Presidentin e Parë, sapo kishte marr vesh për incidentin në Abadan, për t’i përdorur të gjitha lehtësitë lokale dhe kombëtare, për të përshpejtuar heqjen e rrënojave dhe për të shpëtuar jetën e të bllokuarve e gjithashtu, për t’u kujdesur për të lënduarit, raporton agjencia e lajmeve Tasnim, trasnmeton Portali D.
Agjencia shtetërore e lajmeve Irna ka raportuar se ndërtesa Metropole ndodhej në rrugën më të ngarkuar tregtare të Abadan dhe se incidenti ka ndodhur të hënën rreth orës 12:30.
Deri më tani 25 të mbijetuarit që janë gjetur të plagosur janë nxjerrë nga rrënojat së bashku me pesë të vdekur.
Agjencia e lajmeve e linjës së ashpër Tasnim, ka cituar një zyrtar në departamentin e zjarrfikësve të Abadanit, i cili ka thënë se mes 100 dhe 150 njerëz mendohet të kenë qenë brenda ndërtesës në kohën e shembjes, pavarësisht se ajo ishte në ndërtim e sipër.