Policia Rajonale e Komunikacionit Rrugor në Pejë gjatë një kontrolli rutinor ka hasur në një shofer që kishte mjetet mbrojtëse të skaduara, që sipas ligjit duhet të ishin aktuale.
Si pasojë, autoritetet kanë ndërmarrë masa të menjëhershme, duke sekuestruar përkohësisht mjetin e tij dhe duke i shqiptuar një fletëgjobë prej 500 eurosh për shkelje të rregullave të trafikut, 5 pikë negative të regjistruara në lejen e drejtimit dhe 6 muaj masë mbrojtëse.
“Njësia Rajonale e Komunikacionit Rrugor DRP Pejë, me datё 18.04.2024, rreth orës 22:40, gjatë kontrollit rutinor ka hasur nё vozitësin i cili kishte masa mbrojtëse deri me 17.12.2024, tё njëjtit iu është sekuestruar përkohësisht vetura”, thuhet në njoftimin e Policisë.
Po ashtu, policia ka njoftuar se për periudhën janar-mars ua ka ndaluar drejtimin e mjeteve me veprim motorik 2223 shoferëve.
Sipas të dhënave të Policisë të publikuara në rrjetin social Facebook, 5013 shoferëve u janë vendosur pikë negative.
Policia ka apeluar te të gjithë pjesëmarrësit në komunikacion tё respektojnë rregullat e parapara me Ligj.