Një burrë është lënduar pas shpërthimit të një rezervuari të oksigjenit në Kaçanik.
Në raportin 24-orësh të Policisë bëhet e ditur se viktima është dërguar për trajtim mjekësor në Qendrën Klinike Universitare të Kosovës teksa dëmi i biznesit raportohet të jetë rreth 200 mijë euro, njofton Dukagjini.
“Raportohet se si pasojë e një shpërthimi të një rezervuari të oksigjenit, në një ndërmarrje private, lëndime trupore ka pësuar viktima mashkull kosovar, i cili është dërguar në QKUK Prishtinë për tretman mjekësor. Në vendin e ngjarjes kanë dalë njësitë përkatëse, ndërsa lidhur me rastin është njoftuar prokurori. Vlera e dëmit të shkaktuar është rreth 200 000 euro”, thuhet në raportin policor.