Zyrtarët ukrainase kanë thënë se gjatë kësaj të premte, Rusia ka lëshuar dhjetëra raketa në qytete anembanë Ukrainës.
Kryetari i bashkisë së Kievit, Vitaly Klischko, ka thënë se kishte pasur disa shpërthime në qytet, duke shkaktuar dëme dhe të paktën një të vdekur.
Këto sulme kanë ndodhur dy ditë pasi Rusia ka kryer një nga sulmet më të mëdha ajrore që nga fillimi i luftës.
Presidenti i Ukrainës, Volodymyr Zelensky, kishte paralajmëruar se Rusia mund të nisë më shumë sulme për t’i bërë ukrainasit “të festojnë Vitin e Ri në errësirë”.
Ndërsa guvernatori i “Mykolaiv”, Vitaly Kim, në rrjetin e tij social në Facebook, është shprehur se lëshimet e raketave ruse ishin raportuar. “Okupatorët kanë vendosur të përpiqen të na prishin ditën”, ka shtuar tutje ai.
Punonjësit e urgjencës janë dërguar në tri lagje të goditura nga shpërthimet, gjersa mbrojtja ajrore është aktivizuar në të gjithë vendin, raporton BBC.