Shqipëria dhe Serbia bashkë për organizimin e EURO 2027, Dajaku: Në aspektin sportiv është diçka pozitive

Dje presidenti i Federatës së Futbollit të Shqipërisë, Armand Duka, e ka konfirmuar se Shqipëria dhe Serbia kanë shpallur kandidaturë të përbashkët për ta organizuar Kampionatin Evropian për 21-vjeçarët. Për këtë, ish-futbollisti i njohur, Taulant Dajaku, ka thënë se "në aspektin sportiv gjykoj se është një tendencë për avancim në organizimet e larta sportive"

Ish-futbollisti, Taulant Dajaku

Gjatë ditës së djeshme, presidenti i Federatës së Futbollit të Shqipërisë, Armand Duka, e ka konfirmuar se Shqipëria dhe Serbia kanë shpallur kandidaturë të përbashkët për ta organizuar Kampionatin Evropian për 21-vjeçarët.

Lexo më shumë: Shqipëria dhe Serbia kandidojnë së bashku për organizimin e EURO 2027 për U-21

“Në aspektin sportiv gjykoj se është një tendencë për avancim në organizimet e larta sportive”.

Kështu e ka vlerësuar këtë situatë ish-futbollisti, Taulant Dajaku, në emisionin “Rreth e Rrotull” në RTV Dukagjini.

Dajaku ka thënë se fillimisht duket që kjo ka të bëj më shumë se bashkëpunim në aspektin sportiv, por nëse e sheh në prizmin sportiv sipas tij, është një rrjedhë e natyrshme e pozicionimit të shqiptarëve në Ballkan si faktor shumë të rëndësishëm.

“Në të tillë këndvështrim gjykoj se është një formë dhe mundësi që krijohet që të paktën aspektin sportiv futbollistik, do të kemi rastin që Shqipëria U-21 do të merr pjesë në një kompeticion që është shumë i vlerësuar. Sepse kur je vend organizator me automatizëm merr pjesë në fazën e grupeve ku mbahet eventi”, ka shtuar Dajaku.

Ish-futbollisti ka theksuar se kjo do të ishte pozitive por siç është shprehur ai, pjesa problematike e trajtimit është që i bëhet nga “një prizëm shumë nacionalist”.

Ai ka shtuar se Shqipëria ka qenë një “organizatore perfekte” e finales së Konference Ligës. “Një event jashtëzakonisht shumë i madh që është për t’i promovuar vlerat dhe arritjet ndërshqiptare dhe në këtë lloj këndvështrimi e shoh si diçka pozitive”, ka potencuar Dajaku.

Për më shumë, mund të shikoni videon më poshtë:

 

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika