Në një atmosferë të jashtëzakonshme në “Air Albania”, Shqipëria u përball me Anglinë në ndeshjen kualifikuese për Kupën e Botës, ku “Tre Luanët” siguruan fitoren 0-2 falë dopietës së Harry Kane.
Pavarësisht nisjes së mirë dhe rasteve të krijuara nga kuqezinjtë – me tentativat e Elseid Hysajt dhe Arbër Hoxhës të neutralizuara nga Dean Henderson – Anglia u tregua më cinike në pjesën e dytë.
Harry Kane zhbllokoi ndeshjen në minutën e ’74-t, ndërsa në të ’83-tën e dyfishoi rezultatin me kokë pas një asisti perfekt nga Marcus Rashford.
Shqipëria kërkoi reagimin me hyrjen e Armando Brojës, Adrion Pajazitit dhe Ivan Balliut, por mbrojtja angleze qëndroi solide deri në fund.
Megjithatë, ky rezultat nuk ia ndal rrugën Shqipërisë drejt Botërorit, pasi skuadra e Sylvinhos mbetet në garë përmes play-offit, ndërsa Anglia konfirmon kualifikimin direkt.