Shërbimin Spitalor dhe Klinik Universitar i Kosovës (ShSKUK) ka bërë të ditur se gjatë vitit 2024 janë kryer 17 mijë e 495 lindje në tërë institucionet e saj.
Sipas ShSKUK-së, nga statistikat e përgjithshme, në QKUK ka pasur 7 mijë e 901 lindje, apo (45.0%), si dhe 9 mijë e 594 lindje në spitalet e përgjithshme, apo (55%).
Nga numri i përgjithshëm i lindjeve, 6 mijë e 708 janë kryer me operacion (Cesarean Section), apo 39%.
“Në QKUK, ka pasur 3 mijë e 121 lindje me operacion, apo (41% e fëmijëve të lindur), në spitalet e përgjithshme, 3,587 (38% e fëmijëve të lindur)”, thuhet në njoftimin e ShSKUK-së.