Kandidati i Partisë Demokratike të Kosovës (PDK) për kryetar të Lipjanit, Shukri Buja, ka mbajtur një takim në Ribarin e Madh.
Në këtë aktivitet, Buja ishte i shoqëruar edhe nga kandidati i PDK-së për Kuvendin Komunal nga kjo nëndegë, Herolind Kozhani.
“Fitorja është e jona!
Mbrëmjen e përmbylla në një takim të madh me qytetarët e Ribarit të Madh dhe me kandidatin tonë për Kuvendin Komunal nga kjo nëndegë, Herolind Kozhani.
Pjesëmarrja masive e qytetarëve dëshmoi përkushtimin e tyre dhe rikonfirmoi mbështetjen e fuqishme, si për Herolindin në Kuvendin Komunal, ashtu edhe për projektin tim politik për të udhëhequr Lipjanin.
Demokratët e Ribarit e dhanë sonte një mesazh të qartë dhe të fuqishëm për fitoren e madhe që po na pret!”, ka shkruar Buja.