Në periudha të ndryshme kohore dyshohet se kanë rënë ndesh me ligjin.
Veprat që kanë kryer kryesisht kanë të bëjnë me vjedhje, kontrabandim me narkotikë, dhunim por edhe vepra penale të vrasjes së rëndë.
Por, këta persona për shumë kohë kanë qenë të pakapshëm nga ana e Policisë së Kosovës.
E për t’i sjellë para drejtësisë, shpesh herë Polica e Kosovës, kërkon ndihmë nga qyetarët përmes publikimit të identitetit të të dyshuarve.
Ndërsa këtë publikim e bëjnë në faqen e tyre zyrtare, por edhe në rrjete sociale.
Se sa persona i kanë në kërkim, Polica e Kosovës, nuk kanë kthyer përgjigje për RTV Dukagjinin.
Zëdhënësi i këtij institucion të sigurisë, Baki Kelani, përmes telefonit ka thënë se këto përgjigje duhet të kërkohen nga gjykatat kompetente.
Një sqarim për këto raste RTV Dukagjini ka kërkuar edhe nga Gjykata Themelore në Prishtinë, mirëpo ky institucion i drejtësisë në përgjigjen e tyre ka thënë se sqarimet duhet të kërkohen nga policia.
Sidoqoftë, derisa gjykata dhe policia gjuajën përgjegjësinë njëra-tjetrës për këtë çështje, ekspertët ligjor thonë se një vendim i tillë mirret nga një zinxhir institucionesh.
Avokati Skender Musa, liston krimet për të cilat mund t’i publikohet fotografia për kërkim një personi.
“Zakonisht për vepra penale që janë shumë të rënda, që pasojat janë të mëdha kërkohet në të gjitha shtetet e botës ndihmë nga qytetarët që të bëhet identifikimi i kryersve të veprave penale”.
”Fillohet me vepra penale të terrorizmit që janë veprat më të rënda penale dhe që është e domosdoshme edhe ndihma edhe bashkëpunimi i qytetarëve. Pastaj veprat penale të grabitjeve hyjë në grupin e veprave penale që është e nevojshme identifikimi i tyre sepse janë të maskuar”, ka thënë Musa.
E një praktikë të tillë e sheh si të domosdoshme eksperti i sigurisë, Avni Islami.
“Këto praktika kanë treguar sukses sidomos në vendet e perëndimit që bashkëpunimi në mes policisë dhe qytetarëve është brilliant, i jashtëzakonshëm”.
”Edhe në vendin tonë e kemi një bashkëpunim të tillë mirëpo mendoj që ende duhet të rritet bashkëpunimi i qytetarëve me institucionet, në mënyrë që të luftohet krimi i organizuar, korrupsioni etj”, është shprehur Islami për RTV Dukagjini.
Në faqen zyrtare të policisë vazhdojnë të shfaqen fotografi të personave që janë në kërkim, përderisa në atë listë mbesin ende disa prej tyre që nga viti 2019.