Në mungesë të kuorumit, projektligji për masat e përkohshme të produkteve themelore në raste të veçanta të destabilizimit në treg nuk kaloi në lexim të parë në seancën e 20 tetorit në Kuvendin e Kosovës.
Kryeparlamentari, Glauk Konjufca, ka thënë se vetëm 58 deputetë kanë marrë pjesë në votim.
Ndërsa, opozita nuk mori pjesë në votim. Ajo nuk e mbështeti këtë projektligj me arsyen se është në kundërshtim me kushtetutën, ndërsa pozita ka thënë se është i domosdoshëm pasi bën rregullimin e çmimeve në treg dhe parandalon abuzimin e ngritjes së çmimeve nga tregtarët.
Konjufca në mungesë të kuorumit ka kërkuar që të shkohet në pauzë deri në orën 15:00 që të mblidhet mazhoranca dhe të vazhdojnë votimet.