Me 75 vota për dhe 13 kundër nuk kaloi projektligji për ratifikimin e traktatit ndërmjet Republikës së Kosovës dhe Mbretërisë së Danimarkës, për shfrytëzimin e institucionit korrektues në Gjilan me qëllim të ekzekutimit të dënimeve daneze.
Kundër kësaj marrëveshjeje ishte edhe deputeti i pozitës nga radhët e VV-së, Eman Rrahmani, po ashtu edhe disa deputetë të PDK-së, përveç deputetes Eliza Hoxha, e cila votoi për.
Kuvendi nuk ka miratuar as marrëveshjen e kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar.
Kjo marrëveshje nuk u votua nga deputetët e LDK-së, por ata të PDK-së votuan për marrëveshjen.
“77 për, 10 kundër një abstenim, nuk kalon kjo marrëveshje” – ka thënë kryetari i Kuvendit, Glauk Konjufca.