Kryeministri, Albin Kurti, së bashku me ministren e Drejtësisë, Albulena Haxhiu dhe ministrin e Financave, Hekuran Murati, do të lansojnë Masën e Punësimit për Gratë e Mbijetuara të Dhunës.
Kjo është në kuadër të fushatës “16 Ditët e Aktivizmit Kundër Dhunës me Bazë Gjinore”.
Kjo pritet të fillojë nga ora 09:00.
Sipas agjendës së kryeministrit, Kurti, po ashtu, do të marrë pjesë edhe në një tryezë diskutimi mbi dokumentimin e krimeve të kryera gjatë luftës në Kosovë.
“2. Kryeministri i Republikës së Kosovës, Albin Kurti, merr pjesë në tryezën e diskutimit me përfaqësuesit e institucioneve dhe organizatave, lidhur me hulumtimin dhe dokumentimin e krimeve të kryera gjatë luftës në Kosovë”, thuhet në njoftimin e Qeverisë.
Të dy aktivitetet pritet të mbahen në ndërtesën e Qeverisë së Republikës së Kosovës.